1. Ерөнхий мэдээлэл
1.1 Энэхүү Нууцлалын бодлого нь ХАНГУУД ХХК-ийн албан ёсны вэбсайтыг ашиглагчийн хувийн мэдээллийг цуглуулах, ашиглах, хадгалах, хамгаалахтай холбоотой үндсэн зарчим, нөхцөлийг тодорхойлно.
1.2 Бид хэрэглэгчийн хувийн мэдээллийн нууцлалыг хүндэтгэж, Монгол Улсын холбогдох хууль тогтоомжийн дагуу хамгаалж ажиллана.
2. Бид ямар мэдээлэл цуглуулах вэ?
2.1 Вэбсайтаар дамжуулан үйлчилгээ үзүүлэхтэй холбоотойгоор дараах мэдээллийг цуглуулж болно. Үүнд:
- овог, нэр;
- утасны дугаар;
- цахим шуудангийн хаяг;
- орон сууц, үл хөдлөх хөрөнгийн төсөлтэй холбоотой хүсэлт, санал, асуулга болон хэрэглэгчийн сайн дурын үндсэн дээр ирүүлсэн бусад мэдээлэл.
3. Мэдээллийг ямар зорилгоор ашиглах вэ?
3.1 Бид таны хувийн мэдээллийг зөвхөн дараах зорилгоор ашиглана:
- таны хүсэлтэд хариу өгөх;
- орон сууц, хотхон болон бусад төслийн талаар мэдээлэл хүргэх;
- борлуулалтын зөвлөгөө өгөх, эргэн холбогдох;
- вэбсайтын үйлчилгээний чанар, аюулгүй байдлыг сайжруулах;
- хэрэглэгчтэй холбоо тогтоох, үйлчилгээний чанарыг сайжруулах;
- хууль тогтоомжид заасан бусад үндэслэлээр боловсруулах.
4. Мэдээллийн нууцлал
4.1 Бид таны хувийн мэдээллийг хуульд зааснаас бусад тохиолдолд гуравдагч этгээдэд задруулахгүй, худалдахгүй эсвэл энэхүү Бодлогод заасан зорилгоос өөрөөр ашиглуулахгүй.
4.2 Хэрэглэгчийн хувийн мэдээллийг зөвхөн энэхүү Бодлогод заасан зорилгоор ашиглах бөгөөд мэдээллийн аюулгүй байдлыг хангах зохистой хамгаалалтын арга хэмжээг хэрэгжүүлнэ.
5. Хэрэглэгчийн эрх
5.1 Хэрэглэгч нь өөрийн хувийн мэдээлэлтэй холбоотой мэдээлэл авах, шаардлагатай тохиолдолд засварлуулах, шинэчлүүлэх болон холбогдох хууль тогтоомжид заасан бусад эрхээ хэрэгжүүлэх эрхтэй.
6. Холбоо барих
6.1 Энэхүү Нууцлалын бодлоготой холбоотой асуулт, санал, хүсэлтээ дараах хаягаар ирүүлнэ үү.
Компани: ХАНГУУД ХХК
Утас: +976 7004-6009
И-мэйл: info@khanguud.mn
7. Cookies ашиглах
7.1 Манай вэбсайт нь хэрэглэгчийн ашиглалтын туршлагыг сайжруулах, вэбсайтын хэвийн ажиллагааг хангах, хандалтын статистик мэдээлэл цуглуулах зорилгоор Cookies болон түүнтэй адилтгах технологийг ашиглаж болно.
7.2 Хэрэглэгч өөрийн интернэт хөтчийн тохиргоогоор Cookies-ийн хэрэглээг хязгаарлах, устгах боломжтой бөгөөд энэ нь вебсайтын зарим үйлчилгээний хэвийн ажиллагаанд нөлөөлж болзошгүй.
8. Бодлогод өөрчлөлт оруулах
8.1 Компани нь хууль тогтоомжийн өөрчлөлт, үйл ажиллагааны хэрэгцээ болон вебсайтын үйлчилгээний шинэчлэлтэй холбоотойгоор энэхүү Нууцлалын бодлогод нэмэлт, өөрчлөлт оруулж болно.
8.2 Энэхүү Нууцлалын бодлогод оруулсан өөрчлөлтийг Компанийн албан ёсны вэбсайтад нийтэлсэн өдрөөс эхлэн хүчин төгөлдөр мөрдөнө.
